سوف نقوم بحصر أهم الشروط الخاصة بالزواج من اجنبية فى مصر والذى يتم فى وزارة العدل و الشهر العقاري فى مصر وشرح كافة الاجراءات المطلوبة لاتمام الزواج من مواطنة اجنبية لكن أولا عليك الانتباه لعدة نقاط منها :
شروط الزواج من اجنبية فى مصر:
الان سأقوم بذكر خطوات أتمام الزواج مع شرح مفصل لكل خطوة الاجراءات والمستندات الواجب توافرها عند أتمام الزواج :
اولا: تواجد المواطن الاجنبى بنفسه اثناء اتمام اجراءات الزواج.
ثانيا: شهادة من السفارة بعدم الممانعة عند الزواج تفيد ( الديانة - الحالة الاجتماعية – الجنسية - السن).
إذا كانت متزوجه من قبل فيتم أحضار شهادة طلاق ويجب تقديم نسخة أصلية أو مصدقة عن شهادة الطلاق أو شهادة الوفاة. (4 نسخ ضوئية)
ثالثا: يقدم الطرف الاجنبى جواز سفر سارى وبه اقامة من مصلحة الجوازات والجنسية على جواز السفر. (4 نسخ ضوئية لبيانات الباسبور و 4 نسخ ضوئية للتأشيرة)
رابعا: يقدم الطرف المصرى بطاقة الرقم القومى . (4 نسخ ضوئية)
خامسا: طابع اسرة فئه 50 جنية من مكتب البريد.
سادسا: شهادة الفحص الطبى للزوج والزوجة من مستشفى حكومى معتمدة بختم النسر من مصر. (4 نسخ لكل شهادة)
سابعا: عدد5 صورة شخصية حديثة لكل من الزوجين.
ثامنا: حضور شاهدين مصريين عاقلين بالغين لسن الرشد اكثر من 21 سنه مع بطاقة الرقم القومى لكل منهما .
تاسعا: فى حالة كون الزوج المصرى مسيحى الديانة يقدم شهادة خلو موانع من الكنيسة ومعتمدة من مديرية الامن.(4 نسخ لكل شهادة)
عاشرا: اذا كانت الزوجة الاجنبية لا تتكلم اللغة العربية فيجب وجود مترجم معتمد لانهاء الاجراءات عند الزواج.
السبب فى عمل 4 نسخ من كل ورقة هو انه يتم كتابة 4 نسخ من عقد الزواج وملحق بكل عقد نسخة من المستندات المقدمة .. يتم الاحتفاظ بنسختين لدى الموظف وتسليم الطرفين عقد لكل منهما.
الان شرح أستخراج بعض المستندات من الخطوات السابقة
ورقة عدم الممانعة :
الذهاب مع الطرف الاجنبى الى سفارته ..
أولا سيتم طلب التأكد من اثباتات الشخصية لكل منكما سواء المصرى أو المواطن الاجنبى قبل دخول السفارة. بعد الدخول سيتم اعطائكما رقم وتجلس بأنتظار دورك حسب الرقم المعطى لكما .سيتم مقابلتكما من القنصل أو موظف السفارة المختص ثم سيطلب المواطن الاجنبى بنفسه أستخراج ورقة عدم ممانعة للزواج من السفارة .سيطلب منكما دفع مبلغ مالى بالخزينة ثم بعد الدفع سيتم اعطائكما ورقه عدم الممانعه لملىء البيانات المطلوبه .بعد الانتهاء سيتم ختمها من السفارة . الخطوة التالية هى التصديق عليها من مكاتب الخارجية المصرية . * برجاء الانتباه الى ضرورة تقديم ورقة تعهد وعدم ممانعة من الأب(ولي الامر) بالموافقة على زواجها منك فى حالة كانت أقل من 21 سنة . * قد تختلف مواعيد عمل سفارة عن الاخرى فمن الافضل التأكد من خلال موقع السفارة قبل الذهاب أو تحديد موعد مسبق من خلال موقع السفارة * رسوم أستخراج ورقة عدم الممانعة قد تختلف حسب رغبة السفارة .
شهادة الكشف الطبى أو الفحص الطبى :
هى فى الحقيقة شهادة صورية ليس لها أى هدف سوى دفع مبلغ معين لخزينة الدولة .. لن يتم عمل أى اختبارات أو تحاليل .. فقط عليك الذهاب الى أحد المستشفيات الحكومية ولديك الاتى
- 2 صورة شخصية لكل منكما
- 2 صورة ضوئية لبطاقة الرقم القومى للمصرى .
- 2 صورة ضوئية للباسبور للمواطن الاجنبى.
- دفع مبلغ لن يزيد عن 50 جنيه عن كل شهادة .
من المفترض انها لن تستغرق سوى دقائق لاستخراجها .
الان بعد تحضير كافة الاوراق خطوات البدء فى اجراءات الزواج
الخطوة الاولى: الذهاب لوزارة العدل المصرية لأتمام الزواج.
العنوان:
* وزارة العدل المصرية من الملحق (مكتب الزواج من أجانب)، الطابق 4، ميدان لاظوغلى، عابدين، القاهرة.
* مجمع المحاكم بالمنشية - الشهر العقارى - الاسكندرية.
مفتوح من السبت إلى الأربعاء من الساعة9 صباحا إلى:1 ظهرا و من الساعه 3 العصرحتي 5 ، الخميس من 9:00 صباحا إلى 1:00 بعد الظهر فقط
بعد التأكد من جميع الاوراق يتم أجراء مراسم الزواج التقليدية ثم يتم انهاء كتابة كافة نسخ الاربعة عقود وختمها من الموظف المختص وتقوم بدفع رسوم حوالى 60 جنيه أو يزيد بالخزينة . فى حالة كانت أجراءات الزواج فى وزارة العدل بالقاهرة سيتم أعطاءك وصل أستلام وسيتم ابلاغك بأستلام العقود بعد 10 ايام على أقل تقدير وقد تستغرق اسبوعين احيانا . اذا كانت اجراءات الزواج فى الاسكندرية بمجمع المحاكم بالمنشية يتم استلام العقود فى نفس اليوم بعد انتهاء مراسم الزواج مباشرة.
الخطوة الثالثة : الترجمة والتوثيق بالشهر العقارى.
يجب توثيق العقد بالشهر العقارى بعد استلامه لكن قبل لك قم بترجمة العقد فى أحد المكاتب التابعة للشهر العقارى أو الموثوقة منهم . فقط أسأل الموظف عن أقرب مكتب ترجمة .. فى مكتب الترجمة ستجد صيغة جاهزة مترجمة عن عقد الزواج سيتم فقط اضافة البيانات من العقد العربى . بعد ذلك قم بتوثيق العقد العربى والنسخة المترجمة فى الشهر العقارى فى 57 شارع رمسيس - القاهرة ... أما بالاسكندرية فيتم توثيقه بنفس المبنى بعد استلامه مباشرة ثم يمكنك ترجمته لاحقا ثم العودة مرة اخرى لتوثيق النسخة المترجمة.
الخطوة الرابعة: زيارة مكتب توثيق الخارجية المصرية.
العناوين: شارع أحمد عرابي-المهندسين - القاهرة.
شارع أحمد سعيد- العباسية - القاهرة.
أمام سان ستيفانو - الاسكندرية.
مواعيد العمل: من السبت الى الخميس من الساعة 9:00 صباحا إلى 3:00 بعد الظهر
التوثيق يتم مقابل 11 جنية للمستند الواحد ولايستغرق 15 دقيقة حسب وقت الذروة . ويحتفظ الطرف الامريكى بالعقد المترجم الموثق فى الشهر العقارى ومن الخارجية المصرى لأتمام اجراءات لم الشمل بعد العودة لبلده .
لو سمحت هل يجب ترجمة شهادة عدم الممانعه قبل الذهاب للمحكه؟؟
ردحذفشكرا
ردحذفلو سمحت أن يجهز إجراءات زواج من انجليزية وه عملت ورقة عدم الممانعة من بلدها مسجل فيها اسمى واسمها وبيانات فيما عدا الديانه وتتثبت ازاى الديانه كدة
ردحذفوهى عملتها تقريبا من حوالى 6 أشهى هل الشهادة لسة صالحة ولا اية
ردحذفورقة الديانة بتستخرجها من بلدها .. اذا كانت مسيحية بتستخرج وثيقة من الكنيسة تفيد تعميدها وانتمائها للكنيسة أو الديانة المسيحية .. لو مسلمة بتستخرج وثيقة من المركز الاسلامى فى بلدها يفيد انها مسلمة .. وثيقة اشهار اسلامها من الازهر تغنى عن اى مستندات اثبات الديانة ... واذا كانت الديانة مثبتة فى اى وثيقة حكومية فهى تفى بالغرض ..
حذفأما بالنسبة لفترة صلاحية المستند فى ترجع لقوانين كل بلد .. مثلا فى مصر صلاحية العمل بالمستند القانونى 3 شهور من تاريخ استخراجه .. فهى لازم تستفسر عن النقطة دى فى الجهات المختصة ببلدها .
طيب شهادة عدم الممانعة صالحة لمدة سنه
حذفمن سفارتها
يعنى ممكن تطلع وثيقة عدم الممانعة من سفارتها فى القاهرة فى اد اية
حذفبتطلع فى نفس اليوم مابتاخدش حوالى نص ساعة او ساعة بالكتير .. ولازم انت تكون معاها عشان انتو الاتنين حتملوا بيانات عن كل واحد فيكوا ..
حذفانت قلت انجليزية مش امريكية صح ؟ لو انجليزية حيبقى فيه مشكلة لان انجلترا بتتعنت فى اصدارالوثائق اللى زى دى وبناءا عن تجربة لصديق من فترة قريبة مر بالموضوع فهى بتجيب الشهادة دى من بلدها لانهم حيرفضوا يدوها الشهادة فى السفارة بحجة انهم مابيصدروش وثائق من النوعية دى .. ومن الاخر الموضوع خلص بعد ماعملت لهم فضيحة واصرت على استخراجها من بلدها .. فالافضل تخلى خطيبتك تحاول تتطلعها من بلدها وتتابع الموضوع لانه حيبقى فيه مضايقات فى الموضوع
حذفلو سمحت !
ردحذفانا عملت كل المطلوب الي حضرتك ذكرته في القاهرة
متبقي فقط الذهاب لوزارة العدل لانهاء الاجراء وتقديم الاوراق
هل باستطاعتي الذهاب الي اسكندريه وتقديم الاوراق لوزارة العدل بالاسكندريه ذلك لاستلام العقد في نفس اليوم
شكرا
اه مفيش مشكلة .. بتروح مقر المحكمة الجديدة فى المنشية
حذفلو سمحت استفسار بالنسبه للترجمه ، انا مترجم العقد و موثقه من ١٠ سنين ، سمعت ان ختم الخارجيه صلاحيته سنه ، هل لازم اجدد التوثيق قبل ما اترجمه
ردحذفهو عموما أغلب السفارات لا تعترف بأى ترجمة مر عليها اكتر من 3 شهور .. أما بالنسبة لختم الخارجية فمنعديش خلفية عن النقطة دى والله لكن انت فى كل الاحوال حتحتاج توثيق الترجمة الجديدة
حذفالسلام عليكم انا حابب استفسر من حضرتك على الاوراق المطلوبة للزواج من بيلاروسيه مع العلم انها مطلقه وهل هناك اي موانع بالنسبة لانها مسيحية وانا مسلم او اي تعنت لعدم اتمام الزواج او انها مجرد اجراءات بسيطه بنفس الخطوات السابق ذكرها ؟
ردحذفمع العلم انني اود انهاء كافة الاجراءات في خلال يومين من وصولها لمصر ارجو الرد والافادة
مفيش اى مانع ان شاء الله والاجراءات عادى جدا زى ما تم شرحه بالموضوع .. الحاجة الوحيدة اللى ممكن تاخد منك مجهود ووقت هى تأشيرة الظابط فى مكتب الهجرة والجوازات بمحافظتك .. دى لازم تصحالها من الصبح بدرى باقى الاجراءات تخلص فى كام ساعة زمن حسب تنظيمك لوقتك
حذفا
ردحذفلو سمحت خطيبتي تونسية وانا روحت السفارة جبت الاوراق المطلوبة للجواز وهي دلوقتي جهزت كل الاوراق المطلوبة بس عاوز اسال لازم ابعتلها ورق ليا عشان تختمة من تونس ولا لا
ردحذفللاسف معنديش اى معلومات عن الموضوع
حذفانا مرتبطة بواحده فنلندية والمفروض تيجي في شهر 11 وحنتجوزو
ردحذفعايز اعرف هي السفارة حترضه تديها عدم الممانعه والا لا
ولو مش حترضي تجيبها ازاي ومنين
وبالنسبة للديانة دي تنفع من السفارة والا لازم من بلدها
بالنسبة للديانة لو مذكورة فى الاوراق الرسمية زى تعريف الشخصية او جواز السفر مثلا يبقى مش محتاجة تثبتها .. لو مش مثبتة يبقى لازم تجيب شهادة من بلدها من الكنيسة او المركز الاسلامى فى بلدها المسئول رسميا
حذفبالنسبة لورقة الممانعة لازم تدخل على موقع السفارة الفنلندية بالقاهرة وحتلاقيهم كاتبين الاجراءات والاوراق المطلوبة لاتمام الزواج
السلام عليكم .. لو سمحت لو واحدة من سلوفاكيا و سفارتها مش بتستخرج ورقة عدم الممانعه من هنا فى مصر .. ايه الحل لانهاء الاجراءات و هل يمكن انى انهر كل الاوراق و الاجراءات فى الاسكندرية ولا لازم اروح القاهره
ردحذفالحل انها تشهر اسلامها فى الازهر وتاخد شهادة بكدا موثقة من وزارة العدل وباقى الاجراءات بتخلص فى اسكندرية
ردحذفيوجد بالموقع شرح اجراءات الزواج من سلوفاكية التطرق لكل المشاكل اللى بتقابل الاجراءات مع شرح مفصل
ردحذفلو سمحت انا هتجوز امريكيه وعايشه في ايطاليا ومعاها الجنسيه الايطاليه الافضل والاسهل في الجنسيتين
ردحذفبمعني الافضل يتم الزواج في السفاره الامريكيه او الايطاليه ايه اسهل فيهم
ردحذفعموما اجراءات الزواج من اجنبية كلها واحدة بأختلافات بسيطة فى الورق المطلوب .. أجراءات الزواج فى كل الحالتين تخلص فى نفس اليوم .. لكن لم الشمل هى المعضلة الحقيقية .. عشان تسافر لها بصفتك زوجها دى بتاخد وقت .. بشكل عام اجراءات لم الشمل فى امريكا ممكن تاخد من سنة ونص لحد 5 سنين فى أعقد الحالات .. فى حين اجراءات لم الشمل فى ايطاليا كأقصى فترة ممكن تاخد سنة أو سنة ونص فى الاجراءات .. لكن حسب قوانين الاتحاد الاوروبى القانون بيضمن لك لم الشمل كل اللى تحتاجه هو قسيمة الزواج واثبات جدية الزواج والعلاقة فقط .. لكن الافضل تدخل موقع السفارة الايطالية وتتأكد من الشروط والاجراءات المطلوبة ..
حذفملحوظة :محدش بيتجوز فى السفارة ..الزواج بيتم فى وزارة العدل وتقدر تشوف الاجراءات بالتفصيل على موقعنا وبعدين بتاخد عقد الزواج وبتوثقه فى السفارة فقط .
السلام عليكم بو سمحت انا هتجوز من فتاه صينيه مقيمه باستراليا دلوقتى السفاره الصينيه كلمتهم مش بيطلعو الديانه فى خطاب عدم الممانعه بالزواج ازاى اتصرف فى الموقف ده
ردحذفخطيبتك بتبعتلك ورقة من الكنيسة اللى هى تابعة ليها تثبت معمدانيتها وهى تختمها هناك من الخارجية أو الجهة المسئولة عن ختم الورقة دى .. وممكن تطلعها من كنيسة فى استراليا على حد علمى ..
حذفشكرا جدا على رد حضرتك تمام انا كده عرفت الخطوات هى كده اول حاجه هتجيب ورقه تثبت انها مسيحيه من الصين بعد كده هتروح بيها للسفاره الصينيه فى استراليا تاخد ورقه من السفاره تفيد انها مسيحيه وعدم الممانعه من الزواج وانها single بعد كده تترجمها وتهتمدها فى السفاره المصريه فى استراليا تمام كده ؟ ارجو الرد للتاكيد ومتشكر جدا على زوق حضرتك
ردحذفورقة الديانة مش بتطلع من السفارة بتطلع من الكنيسة التابعة لها .. زى هنا فى مصر شهادة اشهار الاسلام بتطلع من الازهر ... السفارة الصينية مالهاش غير انها تختمها كتوثيق .. لكن فى النهاية دى الخطوات المتبعة بشكل عامل فى معظم الدول لكن الافضل هى تسأل فى سفارتها على الاجراءات من طرفها تجنبا لاى مشاكل ...
حذففيه حل اخر ممكن يختصر عليك حاجات كتير .. هى لو أشهرت اسلامها فى الازهر مش حتحتاج ورق الديانة والحالة الاجتماعية .. شهادة اشهار الاسلام حتغنيكم عن الاجراءات دى كلها بتختمها بس من وزارة العدل وبتطلع فى نفس اليوم من الازهر وحتخلص بيها اجراءات الزواج كلها
طيب حضرتك هيا مغربيه شهاده عدم الممانعه هتستغرق كم من الوقت. و هل هنعرف نستغرجها من مصر ولا. لا
ردحذفوالله معنديش فكرة عن الوقت بس شهادة عدم الممانعة بتستخرجها من بلدها على ما اتذكر . شهادة عدم الممانعة اللى هى وثيقة الحالة الاجتماعية زى القيد الفردى عندنا
حذفممكن استفسر عن لو سن الزوجه الاجنبيه18 ولم تصل الى 21 من اين تحصل على عدم ممنعه ولى الامر هل تاتى بورقه من والدها ولا ورق رسمى
ردحذفدى اجراءات هناك هى بتخلصها بالاتفاق مع والدها بتجيب منه اقرار انه معندهوش اى مانع من زواجها وبتوثقه الموضوع صعب يتشرح لانه مختلف من ولاية لاخرى ومعنديش خلفية عن ايه الجديد فى الاجراءات دى
حذفوازاى تحصل على اقامه غير السياحه من الاسكندريه لاقامتى فيها
ردحذفلما بتوصل هنا بتروح بيها مكتب الجوازات فى محطة الرمل لو انت من اسكندرية وبتطلب تأشيرة الظابط على بسبورها لغرض الزواج .. وهو بيأشر لك ب3 شهور
حذفأزال المؤلف هذا التعليق.
ردحذففى حاله انهاء اجراءتها خلال مده الاقامه وقررت العوده قبل ثلاث شهور هل هناك مانع من كسر المده
ردحذفقصدك ترجع قبل ما مدة الاقامة تخلص ؟ لا عادى خالص
حذففى حاله انهاء عقد الزواج هل يجوز السفر مع الزوجه ولو لا ايه اللى اعمله فى السفاره لطلب الالتحاق بها
ردحذفبتدخل فى اجراءات لم الشمل ودى بتاخد فترة طويلة قبل ماتاخد فيزا لم شمل .. وتقدر تلاقى اجراءات لم الشمل موجودة على الموقع
حذفلو سمحت عندي سؤال،
ردحذفهي خطيبتي بريطانية لكن هي أسلمت من3 سنين لكن طبعا مفيش أوراق بكده.
فهل دع معناه أنها لما تيجي مصر لازم تشهر اسلامها في الازهر؟ وبعد كده تطلع شهادة عدم الممانعة من السفارة؟
وبرضه هي أقل من 21 سنة فهل الورقة اللي ابوها هيكتبهلها لازم تكون مترجمة؟ يعني هل الورقة بتتقدم في المحكمة في مصر ولا السفارة بتاعتها؟ وشكرا
السلام عليكم
ردحذفانا مسيحي وخطيبتي امريكية مسيحية.
هل مطلوب مني محضر زواج من الكنيسة ولا شهادة خلو موانع فقط ؟
بانتظار ردكم.