اخر المواضيع

كيفية الزواج من امريكية فى مصر - شرح مفصل


سوف نقوم بحصر أهم الشروط الخاصة بالزواج من امريكية فى مصر سواء الزواج من امريكية مسلمة أوالزواج من امريكية مطلقة والذى يتم فى وزارة العدل و الشهر العقاري فى مصر وشرح كافة الاجراءات المطلوبة لاتمام الزواج من مواطنة امريكية لكن أولا عليك الانتباه لعدة نقاط منها أن لا يتجاوز فرق السن بين الزوج والزوجة 25 سنة وألا لن يتم الموافقة عليه وسيعتبر زواج بغرض الهجرة .. ايضا لا يسمح لفتاة امريكية الجنسية تحت 21 سنة بالزواج في اي سفارة ولن تمنح لها الموافقة من السفارة الامريكية الا بشرط ورقة تعهد وعدم ممانعة من الأب(ولي الامر) بالموافقة على زواجها منك وانه لا يمانع ان تتزوج فلان.....من بلد فلان.....وتكون معتمدة من ولايتها حسب قوانين الزواج من امريكية.

كيفية الزواج من امريكية, كيف يمكن الزواج من امريكية, هل الزواج من امريكية, هل تريد الزواج من امريكية, هل من السهل الزواج من امريكية, الزواج من امريكي مسلم, زواج من امريكية مسلمة, زواج من امريكي مسلم, الزواج من مسلمات امريكا, زواج امريكية من مصرى, الزواج من مواطن امريكي, الزواج من امريكية للمبتعثين, كيفية الزواج من امريكية فى مصر, كيف الزواج من امريكيه, كيفية الزواج من امريكية مسلمة, قانون الزواج من امريكية ,ارغب في الزواج من امريكية مسلمة, الزواج من امريكية, الزواج من امريكية عربية, الزواج من عرب امريكا, طريقة الزواج من امريكية, طرق الزواج من امريكيه, شروط الزواج من امريكية, الزواج من امريكية,اجراءات الزواج من امريكية فى مصر , الزواج من امريكية والجرين كارد
شروط الزواج من امريكية فى مصر:

 الان سأقوم بذكر خطوات أتمام الزواج مع شرح مفصل لكل خطوة الاجراءات والمستندات الواجب توافرها عند أتمام الزواج :

 اولا: تواجد المواطن الامريكى بنفسه اثناء اتمام اجراءات الزواج.

 ثانيا: شهادة من السفارة بعدم الممانعة عند الزواج تفيد ( الديانة - الحالة الاجتماعية – الجنسية - السن).
 إذا كانت متزوجه من قبل فيتم أحضار شهادة طلاق ويجب تقديم نسخة أصلية أو مصدقة عن شهادة الطلاق أو شهادة الوفاة. (4 نسخ ضوئية)

 ثالثا: يقدم الطرف الامريكى جواز سفر أمريكى سارى وبه اقامة من مصلحة الجوازات والجنسية على جواز السفر. (4 نسخ ضوئية لبيانات الباسبور و 4 نسخ ضوئية للتأشيرة)

 رابعا: يقدم الطرف المصرى بطاقة الرقم القومى . (4 نسخ ضوئية)

 خامسا: طابع اسرة فئه 50 جنية من مكتب البريد.

 سادسا: شهادة الفحص الطبى للزوج والزوجة من مستشفى حكومى معتمدة بختم النسر من مصر. (4 نسخ لكل شهادة)

 سابعا: عدد5 صورة شخصية حديثة لكل من الزوجين.

  ثامنا: حضور شاهدين مصريين عاقلين بالغين لسن الرشد اكثر من 21 سنه مع بطاقة الرقم القومى لكل منهما .

 تاسعا: فى حالة كون الزوج المصرى مسيحى الديانة يقدم شهادة خلو موانع من الكنيسة ومعتمدة من مديرية الامن.(4 نسخ لكل شهادة)

 عاشرا: اذا كانت الزوجة الاجنبية لا تتكلم اللغة العربية فيجب وجود مترجم معتمد لانهاء الاجراءات عند الزواج.


 السبب فى عمل 4 نسخ من كل ورقة هو انه يتم كتابة 4 نسخ من عقد الزواج وملحق بكل عقد نسخة من المستندات المقدمة .. يتم الاحتفاظ بنسختين لدى الموظف وتسليم الطرفين عقد لكل منهما.

 الان شرح أستخراج بعض المستندات من الخطوات السابقة

ورقة عدم الممانعة :

 الذهاب مع الطرف الامريكى الى السفارة الامريكية .. مواعيد العمل تبدأ من 9 صباحا يمكن للمواطن الامريكى تحديد ميعاد قبل الذهاب اذا أحببت ..

أولا سيتم طلب التأكد من اثباتات الشخصية لكل منكما سواء المصرى أو المواطن الامريكى قبل دخول السفارة. بعد الدخول سيتم اعطائكما رقم وتجلس بأنتظار دورك حسب الرقم المعطى لكما .سيتم مقابلتكما من القنصل أو موظف السفارة المختص سم سيطلب المواطن الامريكى بنفسه أستخراج ورقة عدم ممانعة للزواج من السفارة .سيطلب منكما دفع مبلغ 50 دولار بالخزينة ثم بعد الدفع سيتم اعطائكما ورقه عدم الممانعه لملىء البيانات المطلوبه(الورقه مقسومه بالطول جزء بالعربى علي اليمين وجزء بالانجليزى علي الشمال, الطرف الامريكى بملى الجزء الانجليزى وتكتب انت نفس البيانات بالعربى فى الجزء الاخر .بعد الانتهاء سيتم ختمها من السفارة . الخطوة التالية هى التصديق عليها من مكاتب الخارجية المصرية . * برجاء الانتباه الى ضرورة تقديم ورقة تعهد وعدم ممانعة من الأب(ولي الامر) بالموافقة على زواجها منك فى حالة كانت أقل من 21 سنة . * قد تختلف مواعيد عمل السفارة فمن الافضل التأكد من خلال موقع السفارة قبل الذهاب أو تحديد موعد مسبق من خلال موقع السفارة الامريكية. * رسوم أستخراج ورقة عدم الممانعة قد تختلف حسب رغبة السفارة .

شهادة الكشف الطبى أو الفحص الطبى :

هى فى الحقيقة شهادة صورية ليس لها أى هدف سوى دفع مبلغ معين لخزينة الدولة .. لن يتم عمل أى اختبارات أو تحاليل .. فقط عليك الذهاب الى أحد المستشفيات الحكومية ولديك الاتى 
- 2 صورة شخصية لكل منكما
- 2 صورة ضوئية لبطاقة الرقم القومى للمصرى .
- 2 صورة ضوئية للباسبور الامريكى للمواطن الامريكى.
- دفع مبلغ لن يزيد عن 50 جنيه عن كل شهادة .
من المفترض انها لن تستغرق سوى دقائق لاستخراجها .

الان بعد تحضير كافة الاوراق خطوات البدء فى اجراءات الزواج

 الخطوة الاولى: الذهاب لوزارة العدل المصرية لأتمام الزواج.

العنوان: 
* وزارة العدل المصرية من الملحق (مكتب الزواج من أجانب)، الطابق 4، ميدان لاظوغلى، عابدين، القاهرة. 
* مجمع المحاكم بالمنشية - الشهر العقارى - الاسكندرية. 
مفتوح من السبت إلى الأربعاء من الساعة9 صباحا إلى:1 ظهرا و من الساعه 3 العصرحتي 5 ، الخميس من 9:00 صباحا إلى 1:00 بعد الظهر فقط

بعد التأكد من جميع الاوراق يتم أجراء مراسم الزواج التقليدية ثم يتم انهاء كتابة كافة نسخ الاربعة عقود وختمها من الموظف المختص وتقوم بدفع رسوم حوالى 60 جنيه أو يزيد بالخزينة . فى حالة كانت أجراءات الزواج فى وزارة العدل بالقاهرة سيتم أعطاءك وصل أستلام وسيتم ابلاغك بأستلام العقود بعد 10 ايام على أقل تقدير وقد تستغرق اسبوعين احيانا . اذا كانت اجراءات الزواج فى الاسكندرية بمجمع المحاكم بالمنشية يتم استلام العقود فى نفس اليوم بعد انتهاء مراسم الزواج مباشرة.

الخطوة الثالثة : الترجمة والتوثيق بالشهر العقارى.

 يجب توثيق العقد بالشهر العقارى بعد استلامه لكن قبل لك قم بترجمة العقد فى أحد المكاتب التابعة للشهر العقارى أو الموثوقة منهم . فقط أسأل الموظف عن أقرب مكتب ترجمة .. فى مكتب الترجمة ستجد صيغة جاهزة مترجمة عن عقد الزواج سيتم فقط اضافة البيانات من العقد العربى . بعد ذلك قم بتوثيق العقد العربى والنسخة المترجمة فى الشهر العقارى فى 57 شارع رمسيس - القاهرة ... أما بالاسكندرية فيتم توثيقه بنفس المبنى بعد استلامه مباشرة ثم يمكنك ترجمته لاحقا ثم العودة مرة اخرى لتوثيق النسخة المترجمة.

 الخطوة الرابعة: زيارة مكتب توثيق الخارجية المصرية.

العناوين: شارع أحمد عرابي-المهندسين - القاهرة.
شارع أحمد سعيد- العباسية - القاهرة. 
أمام سان ستيفانو - الاسكندرية. 
مواعيد العمل: من السبت الى الخميس من الساعة 9:00 صباحا إلى 3:00 بعد الظهر

التوثيق يتم مقابل 11 جنية للمستند الواحد ولايستغرق 15 دقيقة حسب وقت الذروة . ويحتفظ الطرف الامريكى بالعقد المترجم الموثق فى الشهر العقارى ومن الخارجية المصرى لأتمام اجراءات لم الشمل بعد العودة لبلده . لمعرفة أجراءات لم الشمل بأمريكا


للتأكد من صحة الخطوات يمكنك زيارة شرح خطوات الزواج فى مصر على موقع السفارة الامريكية 


----------

هناك 88 تعليقًا: أترك أسئلتك هنا

  1. يا جمااااااااااااعة هي النسخة المترجمة بتتوثق فلشهر العقاري ولا لا
    افيدوني افادكم الله

    ردحذف
    الردود
    1. أقرأ الخطوة الثالثة

      حذف
    2. يا فندم والله قريتها
      واللي فهمته أن النسخة اللي بالانجليزي بتتوثق فلشهر العقاري
      تمام؟؟
      جيت اسال فلشهر العقاري عشان اتاكد من الخطوة اللي هعملها ان شاء الله
      قوليلي مفيش حاجة اسمها توثيق نسخة مترجمة خاااااااالص
      اكتر من مرة سالت واكتر من حد سالته (( محامي))
      قالي مفيش توثيق فلشهر العقاري للنسخة اللي بالانجليزي
      التوثيق للعقد الاصلي بس
      هل ده صح ولا الناس دي مش شايفة شغلها صح ولا ايه
      افيدوني افادكم الله
      وربنا يجعله في ميزان حسناتكم

      حذف
    3. حد يرد بالله عليكم
      مفييييييش وقت

      حذف
    4. على موقع السفارة الامريكية بالقاهرة المطلوب هو توثيق النسخة المترجمة من وزارة الخارجية فقط ..
      Step 5: To use this Egyptian marriage certificate in the United States:

      1) Translate it into English at the Notary Public Authority located on 57 Ramses Street, Cairo. The fee is 15.00LE for each page and it should take about 1-2 days to receive the translation.

      2) This must then be authenticated by the Egyptian Ministry of Foreign Affairs (fee is about 11.00 LE).

      أعتذر عن ذلك ويبدو ان بعض الاجراءات تغيرت ..

      حذف
  2. بعد اذنك هل هنا لا يوجد شرط عد الزواج لو الزوج مصري والزوجة امريكية ام لا يهم؟ ولو تم الزواج من الامريكية في مصر هل لا ينطبق عليه شرط عدم الزواج عند تقديم طلبات الهجرة لهذا الزوج؟

    ردحذف
    الردود
    1. مش فاهم أستفسار حضرتك بالظبط .. لكن لو حضرتك تقصد تعدد الزوجات فهو غير قانونى حسب القانون الامريكى ولن يسمح بأتمام الزواج من المواطن الامريكى فى حالة اكتشافهم انك متزوج بالفعل وفى خطوة معينة قبل تسجيل الزواج ممكن يطلبوا منك قيد شخصى لاثبات انك غير متزوج .. فى حالة انك تزوجت مرة اخرى بعد زواجك من المواطنة الامريكية فهذا الامر يضعك تحت طائلة القانون الامريكى وده له تبعات خطيرة تصل لعدم السماح لك من دخول امريكا مرة اخرى والتفريق بين زوجتك الامريكية وقد تصل الى السجن اذا كنت تحمل الجنسية ..

      حذف
  3. السلام عليكم
    اريد معرفة رائ فى موضوع خاص ممكن التواصل معك خاص

    ردحذف
  4. طيب حضرتك خطيبتى جايالى الشهر الجاى عشان نتجوز وهى اصغر من 21 سنه وولى امراها مامتها هل هى ممكن تقوم باجراء خطاب عد الممانعة عشن هى ولي امرا ولا لازم ابوها وشكر جدا على جهو حضرتك وامدادك لينا بالمعلومات المفيد دى بجد

    ردحذف
    الردود
    1. حضرتك دا على حسب وصاية الابوين .. ممكن تكون الوصاية مشتركة بالتالى لازم ورقة من الابوين .. خليها تتأكد من الموضوع ده قبل ماتيجى هنا لان القوانين بتختلف بين كل ولاية أمريكية واخرى .. فى بعض الولايات قد لا تحتاج لوصاية الابوين نهائيا ..

      حذف
  5. طيب أنا عايز أسافر أو أهاجر عشان أكمل دراسه بره ، لكن الحاله الماديه ضعيــــفه ، مفيش أى حل إنى أسافر أو أهاجر أو أى حد ممكن يساعدنى ;( ..

    ردحذف
    الردود
    1. أدامك 3 حلول .. أولا الهجرة العشوائية التسجيل فيها بيبدأ 2 أكتوبر حتى 2 نوفمبر من كل سنة ومنخلالا بتاخد الجرين كارد فى حالة فوزك.
      ثانيا تدور على منحة فى مجال دراستك أو مجال بتحبه أو حتى منحة لتعلم الانجليزية والمنح كتيرة على الانترنت ابحث وحتلاقى وقدم .
      ثالثا الزواج من أمريكية .

      حذف
  6. لو سمحت هل فيه مشاكل او رفض بالنسبة لزواج مصري من امريكية في الوقت الحالي سواء من قبل الحكومة المصرية او الامريكية

    ردحذف
  7. رفض الزواج يكون لاسباب قانونية فقط وليس سياسى .. كفارق السن القانونى أو الحالة الجنائية للطرفين أو الحالة الاجتماعية وعدم تعدد الزواج .. وليس من حق أى حكومة سواء المصرية أو الامريكية منعكم من الزواج بخلاف ذلك

    ردحذف
    الردود
    1. متشكر يا استاذ تامر علي اهتمامك بس انا قرأت في بعض المواقع ان السفارة الامريكية لم تعطي وثيقة الزواج لعدم قبول زواج المصري من امريكية في الوقت الحالي وايضا رفض الشهر العقاري لتسجيل العقد. هل حضرتك متأكد ان مافيش مشاكل في الوقت الحالي ام حضرتك تنصحني بالذهاب الي السفارة الامريكية والتأكد من ذلك

      حذف
  8. أولا مش من حقهم منع الزواج .. لان دى أجراءات قانونية وزى ماقلت لك المنع يكون لمخالفة الشروط القانونية فقط .. ومن حق الزوجة تسجيل عقد الزواج وفى حالة الرفض من حقها ترفع قضية وحتكسبها .. لان ده حق يكفله لها الدستور الامريكى ولان منع الزواج بدون سبب ضد القانون الدولى . وأكيد فيه سبب قانونى لرفض الزواج ده
    ثانيا انا صديقى لسة متزوج من أمريكية من فترة قصيرة :) وماشى حاليا فى الاجراءات وبيتم تسجيل العقد من خلال زوجته فى امريكا .. وصديق أخر أتم زواجه من اسبوعين أو أكثر .
    ثالثا رفض الزواج بيكون فى الغالب بسبب:
    1- تزوير فى الاوراق الرسمية.
    2- التأكد من ان الزواج بغرض الحصول على الفيزا وليس زواج صحيح (وده الغالب) والنقطة دى ليها شروط كمثال :
    * لازم الطرفين يكونوا على معرفة ببعض أو علاقة لاتقل عن سنة قبل الشروع فى الزواج
    * لازم على الاقل يكونوا تقابلوا فى الحقيقة مرة أو مرتين .
    * اثبات العلاقة بصور تجمعكم خلال مقابلاتكم أو صور زفافكم .. (الفكرة كلها فى طريقة لاثبات ان الزواج حقيقى وليس بغرض الحصول على فيزا)
    3- وجود سوابق جنائية (وحتى فى تلك الحالة لا يمكن ايقاف الزواج لكن لن يمكنك الدخول للولايات المتحدة)
    4- أثبات ان احد الزوجين متزوج بالفعل وقت اتمام اجراءات الزواج .

    ردحذف
    الردود
    1. 5- فارق السن يتعدى 25 سنة

      حذف
    2. جزاك الله كل خير يا أ/ تامر. بجد حضرتك طمنتني ووفرت عليا مجهود كبير

      حذف
    3. طب هل عند حضرتك علم ليه مافيش طيران من امريكا لمصر حاليا

      حذف
    4. استاذ تامر لو فرق السن بينه وبينها 19 سنة فقط هى 45 وهو 26 فى مانع هى امريكية وهو مصرى ياريت تفيدنى ضرورى

      حذف
    5. مفيش مانع ان شاء الله طالما فارق السن لا يصل الى 25 سنة .. ولو ان فارق السن الكبير عادة مايكون سبب فى شكهم من جدية الزواج أو ان الزواج بغرض المصلحة .. وده يخليهم يتحققوا من خلفية الزوجين وأجراءات التوثيق ممكن تاخد وقت أكبر من العادى .. أما بالنسبة للطيران فأنا ذكرت لحضرتك السبب فى تعليق بالاسفل

      حذف
    6. طب لو التعارف عن طريق الفيس بين الزوجين واقل من سنة يقبل الزواج وله لاء وايه هي الاجراءات اللي تتعمل علشان الجوز المصري ياخد التاشيرة لامريكا

      حذف
  9. مشكلة الطيران مش من الشركات الامريكية, بلاد كتير منعت أو خفضت رحلاتها لمصر بسبب المشاكل الامنية والاقتصادية والحوادث الاخيرة زى الطائرة الروسية ومقتل المواطن الايطالى .. لكن دايما فيه بديل زى الترانزيت .. واعرف امرييكين بيوصلوا مصر لكن للاسف معنديش علم بجدول رحلاتهم للوصول لمصر .. وعلى ححد علمى الشركات العربية مازالت تعمل فى مصر وبعض الشركات الاوروبية .

    ردحذف
  10. شكرا يا استاذ تامر. وربنا ما يحرمنا من معلوماتك القيمة ولا يحرمك من اسئلتنا اليي بتجيبلك صداع هههههههههه

    ردحذف
  11. أزال المؤلف هذا التعليق.

    ردحذف
  12. لو سمحت كنت عايزة اعرف لو العكس الزوجة مصرية والزوج امريكي هل هتختلف الاجراءات ؟

    ردحذف
    الردود
    1. لا مفيش اختلاف .. لكن فى حالة سن الزوجة أقل من السن القانونى فى مصر ضرورى وجود الاب أو الوصى .. واذا كانت الزوجة مسلمة لازم يكون الزوج مسلم ومعاه شهادة اشهار اسلامه من الازهر اذا كان أمريكى الاصل

      حذف
  13. هل بيحتاجو شهاده الجيش

    ردحذف
  14. ممكن اعرف من حضرتك الاجراءات بتاخد اد ابه وقت

    ردحذف
    الردود
    1. أجراءات الزواج فى مصر بتاخد حوالى أسبوعين حسب الظروف .. وممكن توصل لشهر احيانا .. لو فى القاهرة .. اجراءات الزواج فى الاسكندرية بتخلص فى نفس اليوم بالتوثيق ..
      بالنسبة لتوثيق الزواج واجراءات لم الشمل فى امريكا فدى بتبقى حسب رؤية أدارة الهجرة لملفك .. على اقل تقدير سنة ونص لو الامور سهلة وممكن توصل لـ5 سنين فى حالة وجود شك أو مشاكل قانونية

      حذف
  15. شكرا جدا لرد حضرتك بس انا عندى استفسار وشكرا لسعة صدرك انا من اسكندرية هل ورقة عدم الممانعة ممكن تخلص من اسكندرية من القنصلية ولا لازم من القاهرة وهل هى ممكن تجيبها معاها من بلدها ولو ينفع هلى حيطلبو منى انى اوثقها من القاهرة شكرا لحضرتك

    ردحذف
  16. ممكن اعرف الرد من حضرتك ؟

    ردحذف
    الردود
    1. لازم من السفارة فى القاهرة ولازم انتوا الاتنين تكونوا مع بعض وقت ملىء استمارة الوثيقة لن فيها جزء يخصها وجزء يخصك .. بتحددوا يوم مع بعض تروحوا فيه السفارة وبتخلص فى نفس اليوم .. والافضل تتأكد من مواعيد عمل السفارة بالنسبة للجمهور والمواطنين

      حذف
  17. حضرتك بتقول لازم تكون قابتلها مرو او مرنيت انا اعرفها من 6 سنين بس اون لاين واول مرة تيجى مصر لما نروح نجيب ورقة عدم الممانعة ممكن نترفض ؟

    ردحذف
    الردود
    1. حضرتك ممكن تمشى فى الاجراءات عادى لكن فى النهاية هما ليهم الحق فى الاعتراف بالزواج ده .. جايز يعترفوا بيه وجايز لا .. الموضوع مخاطرة مش اكتر

      حذف
  18. لو الزوجة امريكية ومسلمة وانا متزوج وتعتبر الزواج الثاني هل يتم تصديق الزاج من السفارة او هل يتم الزواج هنا بمصر عن طريق الزواج الشرعي وتعتبر زوجة ثانية

    ردحذف
    الردود
    1. القانون الامريكى لايسمح بتعدد الزوجات ويعتبر جريمة عقوبتها السجن المشدد .. وفى حالة الزواج من الاجنبى المتزوج لن يتم الاعتراف بالزواج حسب القانون الامريكى وومشاكله ليك حتبقى كتير .. بصرف النظر ان ده بيعرضك انت للسج مش هى فى حال تم اثبات ان على زمتك زوجة اخرى .. ثانيا بيتم اعتبراك مزور أو غير أهل للثقة وبتتمنع من دخول امريكا نهائى

      حذف
  19. السلام عليكم
    خطيبتي تعيش في أمريكا ولكن جنسيتها مكسيكية ومعها فيزا عمل وهي سوف تأتي الي مصر لإتمام الزواج
    في أي سفاره نطلب شهاده ممانعة من الزواج " المكسيكية أو الامريكيه " ؟
    وهل بعد اتمام الزواج يحق لها عمليه لم الشمل واستخراج الفيزا والسفر لها الي امريكا مع مراعاه ان الجنسيه مكسيكية ؟
    وشكرا جزيلا لحضرتك

    ردحذف
    الردود
    1. المكسيكية .. ولا يحق لها لم الشمل بأمريكا

      حذف
  20. وما هو الحل يعني في طرق تاني عشان أسافر معاها امريكا

    ردحذف
    الردود
    1. خليها تسأل محامى مختص بالحلات دى فى امريكا لان الموضوع صعب

      حذف
  21. ممكن اعرف من حضرتك رسوم عقد الزواج والتوثسق كام دلوقتى وورقة عدم الممانعة

    ردحذف
    الردود
    1. رسوم عقد الزواج بسيطة لكن مؤخرا تم تغيير الرسوم ممكن ماتتعداش 200 جنيه بالتوثيق بكله .. واضف حوالى 300-500 جنيه مترجم معتمد .. لكن بتختلف من محافظة للتانية .. فى الاسكندرية أعتقد ارخص فى رسوم الزواج واغلى فى فلوس المترجم المعتمد والقاهرة العكس .. بالنسبة لورقة عدم الممانعة اخر معلومة لى انها كانت بـ50 دولار رسوم لكن لازم تسأل بالسفارة لان الارقام بتتغير من وقت للتانى .. دى كلها حاجات شريكتك بتستفسر عنها من خلال التواصل مع السفارة قبل الذهاب ليها

      حذف
  22. عندي سوال بس عن الموضوع لم يذكر في اعرض. الامريكية التي انوي الجواز بهاسورية ومعهاجرين كارد من سنتين.

    ردحذف
  23. هي مش امريكية الاصل لكن معها Green card.

    ردحذف
    الردود
    1. لو معاها جرين كارد ينفع تعمل لم شمل برده

      حذف
  24. كم تستغرق اجراءات الزواج من اجنبى فى وزارة العدل حتى يمكن ترتيب مواعيد السفر والاقامة وشكرا

    ردحذف
    الردود
    1. لو حضرتك محضر كل ورقك الزواج بيتم فى نفس اليوم لكن فى وزارة العدل بالقاهرة بتستلم العقد بعديها بحوالى اسبوعين كحد اقصى حسب معلوماتى ..

      حذف
  25. حضرتك انا بستفسر عن البند الثالث اللى جةاز سفر به اقامة من مصلحة الجوزات ده بيكون من المطار لما تنزل ولا ايه ؟

    ردحذف
    الردود
    1. فى حالة دخول أى اجنبى لمصر يقدر ياخد الفيزا من السفارة المصرية فى بلده الاول أو ياخدها من المطار قبل مايدخل مصر على طول .. فى الحالتين فى حالة الجواز لازم تروح مع الطرف الاجنبى لمكتب الهجرة والجوازات فى محافظتك والظابط المختص هنناك يأشر على التأشيرة اللى فى جواز سفر الاجنبى .. حيحط امضته يعنى .. والجواز مش حيتم غير بتأشير الظابط بجواز السفر

      حذف
  26. لو سمحت هل انا مطلوب منى ورق أعمله كمصرى ؟؟ ولا المذكور بس ؟ زى مثلا قيد فردى او قيد عائلى ؟
    وفى يوم الوصول اخدها واروح اى مكتب جوازات ولا التابع لمحافظتى ؟ والاقامة بتكون بغرض ايه ولا اقولهم ايه هناك ؟ ولا اطلب الاقامة كام يوم ؟؟؟

    ردحذف
    الردود
    1. القيد الفردى حتحتاجه بعدين فى اجراءات لم الشمل وممكن يطلبوه منك وممكن لا .. وطبعا القيد العائلى لازم حتعمله عشان تطلع القيد الفردى .. لكن فى الزواج هنا مش حتحتاجه ..
      يوم الوصول بتاخدها فى مكتب الجوازات والهجرة خلى بالك لان فيه مكاتب جوازات مهمتها اصدار جوازات السفر فقط .. والافضل تاخدها فى مكتب الجوازات والهجرة فى المحافظة اللى هى حتقعد فيها .

      حذف
  27. يعنى اخدها واقولهم ايه ؟ وكام يوم ؟ وانا اصلا مفيش حاجة تثبت صلتى بيها !!

    ردحذف
    الردود
    1. مش محتاج اثبات اى صلة والشهادة بتطلع فى ساعتها .. وحتلاقينى شارح بالتفصيل خطوات الحصول على الشهادة دى من السفارة فى الموضوع فوق

      حذف
  28. هو ممكن هي تبعتلي طلب هجره اروح اتجوزها هناك

    ردحذف
  29. مفيش حاجة اسمها تبعتلك طلب هجرة ... هى بتبعت دعوة ليك بتساعدك فى التقديم على فيزا زواج ودى اجراءاتها صعبة جدا حتى دعوتها ليك مابتفرقش كتير .. يعنى تعتبر نفسك كأنك بتحضر لطلب فيزا سياحة بكل اجراءاتها .

    ردحذف
  30. من فضلك هو لازم نروح مجمع التحرير عشان تاخد ختم اقامة بغرض غير السياحة ولا ممكن نعمله في الاسكندرية في الجوازات ؟
    ولو في التحرير فين بالظبط لاني عمري ما رحته قبل كده

    حاجة تانية .. انا عايش وباشتغل في السعودية. والمفروض نتاقابل في مصر شهر نتجوز فيه وبعدين هي ترجع وانا ارجع السعودية تاني. سؤالي هو ممكن نكتب في النماذج اني عايز المقابلة والمراسلات على السعودية ولا لازم انزل مصر؟ كمان هل الموضوع ده نقطة ايجابية او سلبية؟ يعني مثلا هنا مفيش ضغط في السفارة زي مصر. وكمان عندي وظيفة ومرتب وحساب في البنك

    ردحذف
    الردود
    1. بالنسبة للنقطة الاولى فده على حسب اقامتك الاصلية فى اى محافظة .. ونصيحة فى كل الاحوال فى اسكندرية أو مجمع التحرير موضوع ختم الجوازات ده عايز يوم لوحده وصبر مش مجمع التحرير بس ..

      اما بالنسبة للنقطة التانية فأنا مش فاهم حضرتك تقصد ايه بالمقابلة والمراسلات ؟

      حذف
    2. انا من اسكندرية عشان كدة باسأل لو ينفع اخلص الموضوع ده من هناك.. موضوع ختم الجوازات عايز يوم لوحده وصبر ؟ هي اجرائاته صعبة؟ ممكن حضرتك توضح اكتر ايه الخطوات

      انا اقصد في النقطة التانية ممكن نطلب ان بلد المقابلة الشخصية تبقى في السعودية؟ ولو في اي اوراق او حاجة محتاجين يبعتوهالي ممكن يبعتوها على السعودية؟ وهل الاجراءات ممكن تكون اسرع لو انا بعملها من السعودية ولا مش فارقة؟

      حذف
    3. لا موضوع الجواز لازم يتم فى مصر .. اما بالنسبة لختم الجوازات فهو مفيهوش اجراءات خالص هو مجرد ظابط رتبة حيمضى على ختم التأشيرة بس .. بس انت عشان توصل للظابط ده حيبقى ادامك طابور طويل عريض وطبعا الروتين امين شرطة يحدفك للتانى عشان توصل .. لو عندك اى حد ظابط تعرفه او واسطة ممكن يخلص لك الموضوع ده فى كلمة .. واعتقد اسكندرية احسن من المجمع فى القاهرة ..
      حضرتك انا مش فاهم ايه المقابلة الشخصية اللى حضرتك تقصدها .. لو تقصد المقابلة للحصول على ورقة عدم الممانعة فلازم تكون من السفارة فى القاهرة .. بعد كدا بتبقى اجراءات لم الشمل وهى بتسافر بتخلص الورق ده هناك وحتطلب منك تبعتلها ورق وخلافه .. لحد وقت ماتاخد التأشيرة ودى تقدر تاخدها من السفارة فى السعودية .. اتمنى اكون وضحت كل شىء

      حذف
  31. الف شكر لحضرتك .. انا كنت عرفت اني محتاج اخد معايا مترجم اثناء كتابة عقد الزواج..هو هناك بيكون في مترجمين موجودين في مكتب زواج الاجانب ولا لازم انا اتفق مع حد من بره يجي معايا؟ وهل في عندهم يعني قايمة بالمترجمين المعتمدين ولا اي حد؟

    ردحذف
  32. بتحتاج مترجم فعلا .. بتلاقى هناك مترجمين معتمدين واقفين برة والسعر بيبقى حسب الاتفاق من 300 - 600 جنيه وانت وشطارتك لو قدرت تتفق مع واحد قبل ماتروح يكون افضل وارخص .. المترجم المعتمد بيبقى معاه كارنيه يثبت ده .. وفى الغالب حتتفق مع واحد من اللى بيبقوا واقفين فى المحكمة لانهم بيبقى منصصين مع الموظفين جوة

    ردحذف
  33. لو بعد اذن حضرتك ممكن ايميلك بتاع الفيس بوك علشان عاوز اعرف منك حاجات في التقديم

    ردحذف
    الردود
    1. أتفضل حضرتك أسئل هنا وحرد عليك على طول

      حذف
  34. هولازم نكون نعرف بعض اكتر من سنة علشان يتقبل طلب الزواج

    ردحذف
    الردود
    1. الهدف هو انكم تثبتوا ان جوازكم حقيقى .. يعنى لازم تثبتوا ان فيه علاقة حقيقية .. ممكن معرفة قبل الزواج لمدة سنة أو زواج وعايشين مع بعض اكتر من سنة فى مكان واحد طلب الزواج حتقبل فى كل الاحوال حتى لو اتجوزتوا بعد تانى يوم معرفة .. لكن ده حيأثر فى قبول طلب لم الشمل

      حذف
  35. بالنسبة للسفارة الفرنسية
    لو سمحت وثيقة عدم الممانعة بيكون مكتوب فيها الديانة ؟
    وهل بتحتاج توثيق قبل ما اروح بيها لوزارة العدل ؟ ولو هتترجم هل الترجمة بتحتاج توثيق هى كمان ؟

    ردحذف
  36. سؤال كمان لو سمحت .. الباسبور بتاعها فرنسى طبعا وهو ده اثبات الشخصية اللى معاها هل هحتاج اترجم صورة منه للعربى ؟

    ردحذف
    الردود
    1. مش بتحتاج أى توثيق للمستندات اللى بتروح بيها لوزارة العدل للزواج .. لان المفروض انها اوراق رسمية اجنبية اصلا ... والباسبور مش حتحتاج تترجمه لان انت حيكون معاك مترجم معتمد وقت الزواج .. ده اخر حاجة اعرفها .. ممكن الاجراءات تكون اتغيرت .. على العموم الافضل تسأل على الاجراءات فى زارة العدل للتأكد

      حذف
  37. لو سمحت يا فندم كنت عايز اعرف لو الاجراءات دي كلها زي ما هي ولا اتغيرت حتي الان ..
    ارجو الرد ضروري لو سمحت ..

    و شكرا لاهتمام حضرتك

    ردحذف
    الردود
    1. بالنسبة لاجراءات الزواج فى مصر عموما زى ماهى ماتغيرتش ..

      حذف
  38. السلام عليكم و رحمة الله و بركاته,,
    واضح أن تاريخ المنشور قديم, أتمنى يا رب يكون لسه متاح السؤال:
    صديق مصرى عاوز يتجوز أمريكيه ..
    و لما قريت كلام حضرتك لقيت مصيبتين مالهمش حل بالنسبه له..
    1) فرق السن بينهم 35 سنه -هى أكبر-.
    2) هو متزوج مصريه - هى عارفه و موافقه - .

    أرجوك فيدنى بأى معلومه ممكنه ...

    ردحذف
    الردود
    1. مفيش حاجة اتغيرت .. القانون الامريكى لا يعترف بتعدد الزوجات .. حتى لو هى موافقة ..

      حذف
  39. أشكر حضرتك على الرد, و سؤال تانى لو تكرمت..
    لو الزوج المصرى - المتزوج - مش نيته السفر الى أمريكا, ممكن زواج عادى عند محامى (عرفى/ أو ليه مسمى تانى)؟
    و يعيشوا فى مصر بعقد الجواز ده فى أمان, فى أى مشكله مع الجهات المصريه أو السفاره الأمريكيه؟

    ردحذف
    الردود
    1. بتتزوجها عادى بوزارة العدل حسب القانون المصرى العقد بيبقى قانونى عادى خالص لكن عند توثيق عقد الزواج المصرى بالجهات المختصة الامريكية بيطلبوا قيد فردى بيثبت حالتك الاجتماعية وبناءا عليه بيتم رفض العقد وعدم الاعتراف بالزواج حسب القانون الامريكى لكن زواجك بيكون قانونى داخل مصر ومعترف بيه

      حذف
  40. استاذ تامر لى صديق كان متزوج وهو حالين مطلق من شهر هل يؤثر عليه فى الزواج ام يكون الزواج غير قانونى وهل ان كان له اولاد من الزواج الاول يؤثر ام لا شكرا

    ردحذف
    الردود
    1. طالما معاه قسيمة الطلاق موثقة يبقى مفيش مشكلة .. ووجود اولاد لا يؤثر

      حذف
  41. سوءال استاذ تامر انا متزوج ومعايه اولاد حبيبت امريكيه وهيه بتحبني جدا وهتيجي علشان نتزوج وحجزت التذكره خلاص اعمل ايه اعطيني حل استاذي ارجوك

    ردحذف
    الردود
    1. حسب القانون المصرى يمكنك الزواج منها عادى لكن لن يتم الاعتراف بالزواج من جانب القانون الامريكى لان القانون الامريكى لا يسمح بتعدد الزوجات

      حذف
  42. سؤال بسيط....ان شاء الله المفروض هقابلها هنا في مصر وسني وسنها 21 سنه ولسه بدرس في الفرقة الثالثة في الجامعه وليا جيش ....هل ده بيفرق في الاجراءات لو كملت ؟

    ردحذف
  43. السلام عليكم يا استاذنا
    هل بالنسبه للمواطنه الأمريكيه المطلقه تحتاج الى توثيق قسيمة الطلاق الخاصه بها من سفارة مصر فى امريكا لقبول الزواج ولا الأمر عادى و ممكن يقبلوا الزواج بدون التوثيق ؟
    ارجو الأفاده و جزاكم الله خيرا

    ردحذف
  44. السلام عليكم ورحمة الله وبركاته
    ابنتي تحمل الجنسية الأمريكية حيث ولدت هناك وهي الأن 13 عاما ولديها باسبور أمريكي و social security أيضاً ...
    ماهي الأجراءات المطلوبة لكي أصطحبها في هذا السفر حيث أنها ترغب في أستكمال الدراسة هناك

    ردحذف

  45. مكتب محامى مصر للمحاماة والاستشارات القانونية

    نحن مؤسسة Lawyer Egypt Firm نتشرف بأن نقوم بتقديم كافة الاستشارات والاعمال القانونية فى كافة المنازعات المختلفة حيث أن مؤسسة محامى مصر مكتب محاماة متخصص فى كافة الامور والمنازعات القانونية المتعلقة بالشركات والهيئات والافراد سواء كانوا مصريين أو من الاخوة العرب أو من الجنسيات الاجنبية حيث يتمتع فريق المؤسسة بخبرة ودراية كبيرة فى المنازعات القانونية التى تخص الشركات أو الافراد كما تقوم مؤسسة Lawyer Egypt Firm بتمثيل موكليها أمام كافة جهات التحقيق والمحاكم المختلفة كما تقوم بتمثيل الشركات والافراد أمام كافة المصالح الحكومية مثل ( هيثة الاستثمار - هيئة التأمينات الاجتماعية - مكتب العمل - السجلات التجارية – الغرفة التجارية – مصلحة الجوزات والهجرة - التعامل مع الجهات الحكومية المختلفة لاستخراج التراخيص والتصاريح المختلفة . كما نقدم خدمة تأسيس الشركات سواء شركات الافراد أو شركات الاموال سواء للمصريين أو للمستثمرين العرب أو الاجانب .
    (( متخصصون فى قضايا العمال – تأسيس الشركات – كسب الجنسية – توثيق زواج الاجانب والاقامات – قضايا ألاحوال الشخصية وقضايا الاسرة – قضايا التعويضات – قضايا المنازعات العقارية – التسجيل بالشهر العقارى- القضايا المدنية والتجارية- قضايا الايجارات – قضايا الافلاس – قضايا الخلع والطلاق – قضايا النفقة – التصديق على الاوراق الرسمية ))

    للتواصل مع مؤسسة Lawyer Egypt Firm للاستشارات القانونية وأعمال المحاماة :-

    الموقع الاليكترونى الخاص بالمؤسسة

    www.LawyerEgypt.net

    العنوان : 26 عمارات بيتشو أمريكان سيتى – زهراء المعادى – القاهرة .
    ( محامى مصرى – مكتب محامى فى مصر - Lawyer In Egypt - Lawyer in cairo - محامى متخصص فى )
    ( مكاتب محامين فى مصر - محامى فى القاهرة – محامى فى المعادى – محامى أحوال شخصية- محامى قضايا مدنية - مكتب محاماة مصرى – مكتب محامى مصرى – محامى فى مصر – مكتب محاماة فى مصر )

    ردحذف
  46. ورقه عدم الممانعه ينفع تجيبها معها من امريكا ؟؟ ولازم لازم من السفاره عشان مواعيد المقابلات فى السفاره مش ظابطه مع الاجازات بتاعتها
    ا

    ردحذف
  47. انا مصري عايز اتزوج من سودانية معاها جنسيه امريكيه ومقيمه في السودان وليس معاها جواز سفر امريكاني، معاها فقط الجنسية .
    هل يتم الزواج في مصر بسهوله ؟
    هل بامكاننا الحصول علي تاشيرة واقامه في امريكا ؟
    ارجوا الافادة

    ردحذف
  48. لو سمحت من شروط إتمام الزواج هو وجود الطرف الأجنبي في مصر لغرض غير السياحة ..اللي بيدخل أصلا المطار بيخد تأشيرة سياحية لمدة شهر فكيف يتم تغيير غرض التأشيرة ؟

    ردحذف