اخر المواضيع

تفاصيل الهجرة العشوائية من الفوز الى مقابلة السفارة الامريكية



تفاصيل الهجرة العشوائية من الفوز الى مقابلة السفارة الامريكية



خطوات الهجره من الفوز للمقابله

الجزء الاول

1- التقديم:

فى شهر اكتوبر 2012 قمت بتعبئه استمارات الهجره العشوائيه لى و لزوجتى على الموقع الرسمى للحكومه الامريكيه https://www.dvlottery.state.gov/
بعد الانتهاء من تعيئه الاستمارات اون لاين و قبول الصور تم تاكيد نجاح التسجيل و ظهور صفحه بها (رقم تاكيدى) و طلب منا الاحتفاظ به للاستعلام عن النتيجه بواسطته فى شهر مايو

2- خطاب الفوز:

و عندما دخلت على الموقع فى شهر مايو 2013 ادخلنا الارقام التاكيديه لكل منا ووجدت ان زوجتى قد قازت مع انها اول مره تشترك فى هذا البرنامج و انا كنت مستمر فى التقديم من 2007 بدون جدوى طبعا حمدنا ربنا و بدأنا فى مراسله مركز كنتاكى.

3- الاجراءات و المستندات :

* كان عندى مشكله اننا لما قدمنا فى مايو كانت هيا حامل و لما فزنا فى مايو كان ربنا زرقنا بطفل فكنت محتاس بقا ابتدى منين و اعمل ايه و كمان كان الايميل بتاعها اللى سجلناه فى استماره مايو اتقفل ...المهم عملنالها ايميل جديد و بعتنا لكنتاكى الحاله ( الايميل الجديد + الطفل) و ردهم كان الاتى :

* طلبو مننا اننا نعبى استمارات DS-230 لكل فرد من افراد الاسره بمن فيهم الشخص الفائز

* و تعبئه استماره DSP – 122 للشخص الفائزفقط ( و هى زوجتى )

* و اعطونا هذا الرابط لانزال الاستمارات و تعبئتها

* و خيرونا اننا نبعت الاستمارات و معاها 2 صوره شخصيه 5x5 لكل شخص و معاهم صوره عقد الزواج و ترجمته و صوره شهاده ميلاد الطفل و ترجمتها او اننا نبعت الاستمارات بس و المستندات دى نقدمها فى المقابله بالسفاره و بصراحه احنا بعتنهالهم لانها صور و مش هتفرق معانا فى حاجه .

* قالولنا اننا ممكن نبعت الاستمارات بالبريد العادى / السريع او الايميل KCCDV@state.gov او الفاكس كلهم مقبولين عندهم

* الحمد لله ملينا الاستمارات و بعتناها بالبريد السريع عشان كله كان بيفتى و قعدلو يقولو اضمن طريقه هيا دى

* بعد شهر تقريبا اكتشفت موضوع الضامن و مشاكله و احنا مصريين مقيمين بدوله خليجيه ف بسرعه غيرت العناوين و خليتها على مصر و عملت اسكان للاستمارات و بعتها على الايميل ليهم و طلبت تعيير المقابله للسفاره الامريكيه بمصر لانها مكان اقامتى الدائم و الدوله الخليجيه تعتبر اقامه مؤقته ف ردو عليا انهم هينفذو طلبى و ان الاستمارات اللى انا بعتها هتتحط فى ملفى .
المهم انا بعت الورق فى 2 يونيو و جواب معاد المقابله نزل على الموقع يوم 13 سبتمبر و حددولنا مقابلتنا فى مصر يوم 27 نوفمبر ...طبعا اخدت اجازه سريعه و نزلنا مصر عملناالفيش و الكشوف الطبيه فى مستشفى الشروق و اكتشفت ان مراتى حامل فمعملناش الاشعه لحد ما ترجع للدكتور بتاعها عشان تاخد رأيه اللى قالها تستنى لغايه اما تخلص الشهر الثالث و بعدين تقدر تعملها و ده اللى حصل و برضه الموقع ده دخلنا عليه و عرفنا فكره الاشعه و تأثيرها على الاجنه pregnancy-during-ray-x-an-have-to-safe-itis
و فضيلنا مقضينها دعا و استخارات و طلبنا من ربنا لو فيها شر على الجنين يسبب الاسباب و منعملهاش بس ربنا كان رايد الخير و الله اعلم
بعد كده روحت على مكتب الناضورى و النحاس اللى فى عماره ايزيس اللى جنب السفاره و ترجمت الفيش و شويه ورق و بكده خلصنا كل الاجراءات و الاوراق المطلوبه للمقابله و بقينا منتظرين مجىء اليوم اللى هنعمل فيه المقابله عشان نحلص.

معلومات هامه :

عند الذهاب للمستشفى لاستلام نتائج الكشف الطبى يجب التأكد من الأتى:

o حصولك من المستشفى على صوره من التقرير الطبى لكل فرد من الاسره ( كبير او صغير) والتاكد من وجود ختم المستشفى على صوره التقرير الطبى الخاصه بالشخص الفائز على الاقل.

o هذه الصور ( كما علمت من اداره المستشفى) يتم الاعتماد عليها عند التقديم للاطفال فى المدارس كتوثيق للتاريخ المرضى و التطعيمات للعائله.

o المستشفى افادت اننى مادمت استلمت المظروف فان هذا يعنى اننى مقبول طبيا و اذا وجدت المستشفى اى شىء يؤثر سلبا على التقرير الطبى تقوم بإجراء كشوف / تحاليل اضافيه للتأكد من الحاله لذا فإن استلمت المظروف فاعلم انك لائق طبيا و الحمد لله.

o بالنسبه للاطفال حديثى الولاده او الذين يخضعون لفتره التطعيمات يجب ان يتم ترجمه شهاده التطعيمات لدى وزاره الصحه او احد مكاتب الترجمه حتى يمكنك استكمال التطعيمات فى امريكا وحتى لا تتكلف مصاريف اضافيه هناك

هذه المعلومات مؤكده و تم الحصول عليها من خلال مراسلاتى مع مكتب كنتاكى:

* ارسال الاستمارات بالايميل اسرع من البريد السريع لانهم بيعملولك ملفك و بيبتدو يحددولك معادك فى خلال اسبوعين من استلامهم للايميل لكن بالبريد السريع ايوا هما هيستلمو الورق فى خلال 3 ايام بس هما لما بيفرزو الورق بيشتغلو حسب تاريخ الاستلام مش الكيس نمبر ( مثال : هما لما بيجو يوزعو الشغل ياخدو كل البريد اللى استلموه يوم الاحد مثلا و يفضلو شغالين عليه لحد ما يخلصوه يقومو موزعين عليهم بتاع الخميس و هكذا) ف اغلب الناس بتبعت بالبريد العادى / السريع بتبقا الكميه ضخمه لكن اللى بيبعتو بالايميل بيكونو قليلين ف معاملاتهم بتخلص اسرع.

* شرطان رئيسيان للى عايز يغير عنوان مقابلته من بلد لبلد

1- انه يكون ليه عنوان بريدى / سكن فى الدوله اللى عايز يعمل المقابله فيها.
2- ان يطلب التغيير قبل حصوله على خطاب الموعد لانهم ان ارسلو اوراقه الى السفاره التى طلب عقد المقابله بها لن يمكنهم تغيير المكان لسفاره اخرى – انا ليا واحد صاحبى غير المكان بالتليفون و عملوهولو بس طلبو منه التأكيد على طلبه بارسال ايميل)

* بامكانك ارسال الاستمارات لكنتاكى بدون صور شخصيه ( قرينها فى منتدى الاخ اياد ) و هما اذا احتاجو الصور هيطلبوها منك فى ايميل الرد.




الجزء التانى

1- تقديم الاوراق بالسفاره:


* قبل المقابله بيوم حضرت اصل الاستمارت اللى كنت بعتها لكنتاكى بالايميل اللى كان فيها التعديل عشان لما يطلبوها فى السفاره نقدمها.

* توكلنا على الله ووصلنا السفاره على الساعه 6.30 و كان فيه شويه ناس تقريبا 15 واحد و مكنش فيه طابور لسه و الناس كل واحد قاعد فى حته شكل لان العساكر مكنوش راضيين يخلو حد يقف ناحيه سور او باب السفاره.

* على الساعه 7.10 وصل موظفين الامن بالسفاره ووقفو الناس طابورين واحد للهجره و التانى ( كان كبير جدا) للسياحه.

* بداءو يقولو للناس اللى معاه فلاش ميمورى او اى اجهزه الكترونيه غير الموبايلات او عملات معدنيه يحاول يشيلها فى العربيه او فى اى مكان لانهم مش هيقبلو استلام امانات منه غير الموبايل و يكون مقفول و اللى معاه مفاتيح بيفوتوه عادى J.

* دخلنا تقريبا على 7.25 و كان ترتيبنا رقم (7).

* على الساعه 8.45 ندهو على رقمنا فى شباك رقم 13 مراتى راحت هناك ف الموظفه ( مصريه) طلبت منها جواب الفوز و قالتلها فين بقيت العيله لازم اشوفهم قمنا رايحين واقفين معاها ع الشباك و لقيت الموظفه قدامها ملف فيه الاستمارات اللى بعتناها لكنتاكى ( اللى بالبريد و اللى بالايميل) قامت الموظفه طلبت من مراتى الاوراق بالترتيب التالى:

* شهاده المؤهل ( العربى اصل و صوره + الترجمه اصل)
* شهاده الميلاد ( العربى اصل و صوره + الترجمه اصل)
* قسيمه الجواز ( العربى اصل و صوره + الترجمه اصل)
* الفيش و التشبيه ( العربى اصل+الترجمه اصل)
* الكشف الطبى ( الظرف) و غير مطلوب احضار الاشعه معك ف المقابله
* 3 صورشخصيه لكل فرد منا
* وطلبت منها اوراقى بالترتيب التالى:
* شهاده الميلاد ( العربى اصل و صوره + الترجمه اصل)
* الفيش و التشبيه ( العربى اصل و صوره + الترجمه اصل)
* شهاده الجيش ( العربى اصل و صوره + الترجمه اصل)
* الكشف الطبى ( الظرف)

* بعد كده طلبت الباسبورات بتاعتنا و دبيستها فى الملف

* و اديتنا كل الاستمارات اللى بعتناها لكنتاكى بالبريد و كل صور الاوراق اللى بعتناهالهم و اخدت ال 3 صور بتوع كل واحد فينا و دبسيتهم فى ( صور) الاستمارات اللى بعتناها لكنتاكى بالايميل ف مراتى قالتلها انا جايبه معايا الاصول بتوعهم ف الموظفه قالتلها مش محتاجينهم خليهم معاكى.

* بعد كده قعدت تقرا ورقه ملزوقه على ضهر الملف لقيت تحتها ايميلى اللى كنت باعته لكنتاكى عن استفسار معين المهم لقيتها سألتنا مين فيكم اللى اتولد فى الدوله الخليجيه قولنالها ابننا قالت اوكيه و رجعت تقرا الورقه تانى و قامت سئلتنا انتو فيكم حد سافر امريكا قبل كده قولتلها انا قامت سئلتنى على الولايه و سنه كام و قعدت قد ايه و لما سئلت الفيزا لسه ساريه و لا انتهت قولتلها ساريه قالتلى هيا فين مفيش حاجه ف الباسبور ف طلعتلها الباسبور القديم ( الحمد لله كنت واخده احتياطى) قامت بصت عليها و بعدين اخدت الباسبور و دبسته مع التانيين

* اديتنا ورقتين واحده لل DHL و التانيه لرسوم المقابله فى شباك رقم 4

* دفعنا رسوم المقابله و البريد و اخدنا من كل واحد ايصالان ( عباره عن نسخه لينا و نسخه للقنصل)


2- مقابله نائب القنصل :

* على الساعه 9.30 ندهو علينا عند اخر شباك ( مش فاكر رقمه كام) راجل كبير فى الخمسينات تقريبا.

* طلب من مراتى الايصالات ( نسخه ال DHL + نسختين الرسوم اخد واحده و ختم التانيه و رجعها لمراتى).

* رجعلنا كل الاصول اللى بالعربى اللى كانت موظفه الشباك اخدتها مننا و اخد كل الصور العربى + الاصول الانجليزى.

* طلع صور الاستمارات اللى بعتناها لكنتاكى و كان معلم بالماركر على مكان الامضاء بالاستماره و سئلها تقسمى ان كل البيانات اللى كتبتيها صحيحه و سليمه و انك انتى اللى كتباها مش حد تانى قالتله اقسم قام مديها الورقه و قالها وقعى و بعد كده وقع هوا تحت توقيعها و نفس الكلام حصل معايا و بالنسبه لابننا خلاها هيا توقع بالنيابه عنه.

* سئل مراتى ( خريجه ايه ؟ اسم الجامعه ايه؟ اشتغلتى قبل كده و لا لأ؟ اشتغلتى فين؟ انتى بتروحى الدوله الخليجيه دى بصفتك ايه ؟ بتروحى كام مره فى السنه؟ ناويه تعيشي فين فى امريكا؟ مين اللى انتى كاتبه عنوانه فى امريكا و هوا عايش فين ؟ قالتله صاحب جوزى قام ضاحك و افتكرنى اخيرا و ابتدا يسئلنى ..مين اللى انتا كاتب عنوانه؟ اسمه ايه ؟ امريكانى و لا معاه جرين كارد.؟ سافر ازاى هناك و اخد الجرين كارد ازاى؟ هوا بيشتغل ايه ؟ اسم شركته ايه؟ طبيعه عمل الشركه ايه بالظبط هنا بقا قولتله مش عارف قام ضاحك و قعد يكتب حاجات على الكمبيوتر وقالى انتا بتشتغل فين؟ بتشتغل ايه؟بقالك كام سنه بتشتغل فى الخليج؟ و رجع تانى يكتب ع الكمبيوتر.

* بعد كده قالنا مبروك انا موافق انى اديكم التاشيره و هيا هتوصلكم فى خلال اسبوعين و طلع جواب التهنئه عشان يسلمهولنا
لحد كده كله تمام نجى بقا للمجازفه التانيه اللى انا عملتها الاولانيه كانت ارسال التعديلات للاستمارات بالايميل و دى كانت مخاطره لانهم كانو بعتولى ايميل انهم استلمو الورق و جارى تحديد معاد المقابله مع السفاره ف كان عامل الوقت مهم ..هنا بقا حصل الحوار التالى:

انا: لو سمحت انا كنت عايز أأجل حصولى على التأشيره لان مراتى حامل و كانت عايزه تولد فى مصر؟
القنصل: استغرب و فتح تانى الملف بعد ما قفله و قعد يدور فى ورق الكشف الطبى و بعد كده وجه كلامه ليها و ليا انتو مقررين انتو الاتنين القرار ده و انتو واقفين قدامى دلوقتى ؟
انا: اه.
القنصل : كرر نفس الجمله للتأكيد موجها كلامه لمراتى و كانت اجابتها اه
القنصل:انتى امتى الفروض تولدى:
مراتى: شهر ابريل.
القنصل: انا عايز اعرفكم ان فى الحاله دى هيبقا مطلوب منكم اعاده الكشف الطبى (الاشعه فقط) و بالنسبه للطفل الجديد
هتعملوله كشف طبى كامل و هتترجملو اوراقه ( شهاده الميلاد) و تقدموها مع الكشف الطبى بتاعه و بتاعكو بجانب رسوم المقابله هل انتو مستعدين لعمل الحاجات دى
احنا: ايوا
القنصل: فى الحاله دى انا هخللى الحاله بتاعتكم مفتوحه لحد ما تولدى و توفرى المستندات دى و ساعتها تبعتى ايميل للسفاره عشان تاخدى معاد للمقابله و تكتبى رقم الكيس فى الايميل و انا كاتب الحاله على الكمبيوتر.
انا: طيب هل احنا مطلوب مننا ندفع رسوم المقابله كامله من اول و جديد.
القنصل: لأ ...للطفل فقط
انا: يعنى احنا هنعمل المقابله تانى.
القنصل: لأ...اى فرد منكم يجى مع الطفل بس يكون معاه جوازات سفر باقى افراد الاسره ...لان انا كل اللى عايزه انى اشوف الطفل بعينى و اتأكد انه موجود و انه ابنكم + ان لازم حد منكم يوقع على الاستماره بتاعته قدامى.
انا: طب احنا هنعيد الكشف ازاى ف المستشفى.
القنصل: بنفس جواب المعاد بتاع النهارده.
انا: بس الطفل الجديد مش مكتوب فيه هل هنحتاج جواب من السفاره للمستشفى عشان نعمله الكشف
القنصل: جاب واحده و قعد يتكلم معاها كتير و ف الاخر رجعلنا و قالنا لأ عادى انتو روحو المستشفى و هما هيعملوهولكم بدون جواب مننا
انا: تمام شكرا ليك

بعد كده القنصل فك الدبابيس من الباسبورات و رجعهالنا تانى و ادانا ورقه كتب فيها اننا نعمل كشف اشعه جديد و علم فيها على اننا نقدم معاها الباسبورات بتاعتنا و ختم عليها بتاريخ يوم المقابله و كتب رقم الكيس. و خرجنا كانت تقريبا الساعه 10 صباحا

توضيحات:

* المعلومه الخاصه بان جميع مراسلاتك مع كنتاكى يتم ارفاقها بالملف الذى يرسل للسفاره معلومه صحيحه و دقيقه.
* المقابله سهله و ميسره للجميع ان شاء الله مدام ورقك سليم .
* محاوله الاجابه فى حدود السؤال و عدم الاستفاضه فى الشرح عشان هوا بياخد من لسانك و يسئل.
* انا لاحظت سهوله الاسئله للمهاجرين عكس المتقدمين للسياحه كانو ياعينى مطلعين عينهم ف المقابلات.
* اجمالى عدد المتقدمين للهجره ف اليوم بتاعى كان 16 رقم ( مصريين على سودانيين) اغلبهم اسر فى حين اللى كانو مقدمين سياحه كانو تقريبا 60 رقم
* مش مطلوب من الفائزين بالهجره فى مصر كشوف حساب بنك او ضامن.


الهجرة العشوائية لامريكا, الهجرة العشوائية لامريكا 2017, الهجرة العشوائية الى امريكا, الهجرة العشوائية 2016, الهجرة العشوائية 2015,  الهجرة العشوائية لامريكا 2014, الهجرة العشوائية لامريكا 2015, الهجرة العشوائية لامريكا ويكيبيديا, نتيجه الهجره العشوائيه لامريكا اسماء الفائزين من مصر, الهجرة العشوائية, نتيجة الهجرة العشوائية, نتائج الهجرة العشوائية لامريكا 2015, نتائج الهجرة العشوائية, موقع الهجرة العشوائية لامريكا 2015, موقع الهجرة العشوائية لامريكا الرسمى, موقع الهجرة العشوائية الى امريكا,الهجرة العشوائية لأمريكا 2016, الهجرة العشوائية لامريكا ٢٠١٧, الهجرة العشوائية لامريكا, الهجرة العشوائية لامريكا 2015, برنامج الهجرة العشوائية كاملا, الهجرة العشوائية الى كندا 2015, قرعة الهجرة العشوائية لامريكا 2015
, قرعة الهجرة العشوائية 2015, قرعة الهجرة العشوائية لامريكا 2013, قرعة الهجرة العشوائية لعام 2015, قرعة الهجرة العشوائية الى امريكا,فوائد الهجرة العشوائية, التقديم في الهجرة العشوائية لامريكا, التسجيل في الهجرة العشوائية لامريكا, التقديم في الهجرة العشوائية لامريكا 2015, التسجيل في الهجرة العشوائية الي امريكا, معلومات عن الهجرة العشوائية لامريكا, الكشف عن الهجرة العشوائية, الاستعلام عن الهجرة العشوائية, التقديم على الهجرة العشوائية, معلومات عن الهجرة العشوائية الى امريكا, اسئلة عن الهجرة العشوائية لامريكا, كيفية عمل الهجرة العشوائية, الرد على الهجرة العشوائية, التقديم على الهجرة العشوائية الى امريكا, طلبات الهجرة العشوائية لامريكا, طلب الهجره العشوائيه, طريقة الهجرة العشوائية, طلب الهجرة العشوائية الى امريكا, صفحة الهجرة العشوائية لامريكا, شرح الهجرة العشوائية لامريكا, شروط الهجره العشوائيه لامريكا, شروط الهجرة العشوائية, شروط الهجرة العشوائية لامريكا 2015, شرح الهجرة العشوائية, شرح الهجرة العشوائية الى امريكا, شروط الهجرة العشوائية لامريكا, سايت الهجرة العشوائية, رسوم الهجرة العشوائية, رد الهجرة العشوائية, دول الهجرة العشوائية, اسئلة حول الهجرة العشوائية, تقديم الهجره العشوائيه لامريكا, تقديم الهجرة العشوائية, تقديم الهجرة العشوائية الى امريكا, تأشيرة الهجرة العشوائية لأمريكا,


----------

هناك 3 تعليقات: أترك أسئلتك هنا


  1. عزيزنا العميل هل تبحث عن شركة نظافة تقدم لك كافة الخدمات التنظيفية بكامل الكفاءة والجوده ؟ هل تبحث عن شركة تقوم بتنظيف شقتك او فلتك او مجلسك ؟
    هل تبحث عن شركة تقدم لك خدمات تنظيف الموكيت والسجاد والوجهات الزجاجية وغيرها ؟
    اذا فانت علي موعد معشركة النظافة المثالية والتى تقدم لك خدماتها بجودة متناهية النظير واسعار لن تجد لها مثيل في اي شركة اخري
    تهتم شركة النظافة المثالية بكسب ثقة عملائها الكرام والعمل علي تلبية كافة احتياجاتهم بالشكل المرضي والمقنع
    اتصل بنا عزيزنا العميل ولا تتردد في الاستعانة بشركتنا
    مايميز شركة ا لنظافة المثالية
    الخدمة
    تهتم الشركة بتقديم خدمة علي اعلي مستوى كما ان خدماتها لا تقتصر فقط علي اعمال النظافة فقط بل تمتد لتشمل خدمات العزل والمكافحة وغيرها
    الكفاءة
    تتميز الشركة بالكفاءة والجودة في اداء العمل
    الخبرة
    الشركة لديها خبره واسعة وباع طويل في مجال التنظيف
    فريق العمل المتكامل
    الشركة لديها فريق عمل مميز ومتكامل من المخصصين والفنيين والعماله المدربة
    الاسعار
    تقدم الشركة خدماتها بأسعار مناسبه وفي متناول جميع العملاء
    المعدات
    تستخدم الشركة المعدات والالات الحديثة والمتطورة في التنظيف
    رد فعل العميل
    تهتم الشركة بمعرفة رد فعل العميل عن الخدمة المقدمة من قبل الشركة
    مجتمع العمل
    تهتم الشركة بدراسة مجتمع العمل ومعرفة ماينقصه من متطلبات
    الشكاوى
    تهتم الشركة بتلقي شكاوى العملاء والعمل علي فحصها جيدا
    المقترحات
    تتلقي الشركة مقترحات العملاء الكرام وتعمل علي تنفيذها بقدر المستطاع
    افضل شركات تنظيف كنب بالقطيف
    تقوم الشركة عزيزنا العميل بتنظيف الكنب باختلاف انواعه واحجامه وتنظيف الانتريهات والصالون وتلميع التحف والانتيكات لذلك سوف تجد ما يسرك من الخدمات فى
    افضل شركات كشف تسربات المياه بالقطيف
    و افضل شركات تنظيف شقق بالقطيف و
    افضل شركات تنظيف فلل بالقطيف
    افضل شركات تنظيف بالقطيف
    افضل شركات تنظيف خزانات بالقطيف, افضل شركات رش مبيدات بالقطيف

    ردحذف